Om Terje
Terje Øvsthus er naturfotograf frå Haugsvik på Vossestrand. Naturen har vore ein raud tråd gjennom heile livet – frå barndommens turar i skog og fjell til jakt, friluftsliv og mange år med kameraet som fast fylgje.
Det nære forholdet til naturen har gitt Terje ein inngåande kjennskap til dyrelivet og fjellområda på Vestlandet. Kunnskapen hans har mellom anna vore nytta i fagleg kartlegging av biologisk mangfald på Mjølfjell. Her har observasjonane hans bidrege med kunnskap om vinterbeite og trekkvegar for elg, og om hekkeområde for den relativt sjeldne vadefuglen boltit.
Det er denne kjennskapen til naturen som også ligg bak mykje av fotograferinga. Å vita kvar dyra ferdast, lesa terrenget og forstå åtferda deira kan vera minst like viktig som sjølve kameraet. Motiva spenner frå hjort og anna dyreliv til fugl, fjell og landskap – først og fremst frå Vestlandet, men kameraet har også vore med på reiser langt utanfor Noreg.
Terje har reist til mellom anna Alaska og Russland på jakt etter naturopplevingar og motiv. Likevel er det naturen på Vestlandet og i fjella kring Vossestrand som står han nærast.
Fotografia hans har også vore nytta i formidling av vestnorsk natur. Mellom anna har Vestnorsk fjordlandskap brukt bilete av Terje på nettsidene for Nærøyfjorden verdsarvområde.
Bakgrunnen som skiskyttar, jeger og friluftsmann har gitt mange år med erfaring i å ferdast ute. Men naturfotografering handlar ofte om det motsette av fart: å finna rett stad, vera stille og ha tolmod til å venta. Nokre gonger kjem motivet. Andre gonger er sjølve opplevinga nok.
Utvalde bilete er til sals som print. Sjå gjennom galleriet, eller ta kontakt dersom du ønskjer å vita meir om eit bilete.